Bulughul Maram, atau langkoknyo Bulugh al-Maram min Adillat al-Ahkam (بلوغ المرام من أدلة الأحكام), adolah suatu kitab hadits nan disusun dek Al-Hafizh Ibnu Hajar al-Asqalani (773 H - 852 H). Kitab ko mambahas hadits sacaro tematik jo mamuek hadits-hadits nan dijadian sumber pangambilan ukum fikih (istinbath) dek para ahli fikih, kusuihnyo dari Mazhab Syafi'i. Kitab ko tamasuak kitab fikih nan diakui dek para ulama sarato banyak dibahas jo ditajamahan di saluruah dunia.